2017年12月29日 星期五

好書推介

好耐無寫Blog
因為自從家姐升上二年級後
功課多了許多又深了
我要用好多時間和她跟功課
上幾個月又忙著妹妹考小一的事
再加上公司又要忙Audit
我是過着天昏地暗的日子去渡過2017 年

家姐升上二年級後
最大分別是中文科深了許多
特別是閲讀理解和作文
簡直是重災區
媽媽不得不出手
希望可以幫到她
我自己好喜歡中,英文科
所以好難接受佢呢兩科考得不好呀!

不過要語文好
有一個永恆不變的方法
就是要
多。閲。讀。
要多看,多寫,多運用
自然會好的。
不過好多媽媽朋友和我分享
小朋友不喜歡閲讀,怎辦?
我也遇過這個問題
就是堅持
和探索更多不同種類的書籍
我自己好喜歡看小說
自然也從小說入手和小朋友閱讀
後來我發現妹妹更喜歡有關動物的書
所以我就找動物的書
好似National Geographic 和她一起看。
她看得津津有味
比看小說更有興趣。

説回語文能力
今次先分享中文的作品
我特別推介何紫的作品
特別是這一本小說集
高小的小朋友可以自己讀了
初小的小朋友或許要伴讀

何紫的作品經瀝時間的洗禮而不過時
當中更富有教有教育意義
Must read item!

 

另外我也喜歡台灣作者的
其中王文華是其中一位
之前有看過 <歡喜巫婆買掃把> , <豪豬王子哭哭了>
我的女兒很喜歡看的

昨天在圖書館找到了 <誰掉了一隻玻璃鞋?>
是翻轉經典童話系列
將傳統的童話再改編
十分有趣

 


我也喜歡書後的問題討論
有點像閲讀理解
可以有Follow up discussion

 

其實還有好多好書想分享呢!

2017年10月15日 星期日

My dearest girl friends gathering

My dearest girl friends gathering

活到這個年紀
最好的朋友都是相識於微時的朋友
感謝妳們成為了我的好朋友
感謝妳們和我分享了許多人生的片段
感謝妳們和我分享做媽媽的喜與樂
如何面對野人然後如何每天鬥智鬥力地渡過

能夠認識妳們
是我的福氣

多謝今年的生日飯
這個金湯牛肉確係好味!

 

My dearest friends 
你哋的地位誰能代替?

 



2017年10月7日 星期六

好友相聚

自從做咗媽媽後
我就成為了一名宅女
沒有太多自由時閒自由空間
連睇本書嘅時間都冇!

不過慶幸身邊的好友
縱使不常相見
一見面就傾過飽的!
大家還是真誠的關心大家
今次我哋有9月10月生日之星晚宴
真係好開心
相識以十年計的朋友
一齊慶生!

頭盤海鮮拼盤
Sashimi Ichihara!
仲有凍飽魚和螺頭都好正!

 

法國生蠔怎能少得!

 

青酒煮蜆
這是我最愛的

 

焗蟹蓋係超級考功夫的餸菜
平時我自己不會做呀!



還有蟹仔糯米飯


同埋 Angus Bee
 

和脆到不得了燒黑毛乳豬!
當你吃過黑毛豬
就唔想食返普通嘅!

 
最後要切生日蛋糕!

人長大了好少慶祝生日
但我感謝身邊一班好友一自的支持與包容
但願我們繼續健健康康生活下去!
從前我們都是年輕的黃毛丫頭
今天大家都為人父母了
雖然年紀長大了
生活又忙碌而好少見面
但我相信大家在彼此心目中一定分量不輕
祝願大家健康快樂呀!




2017年10月5日 星期四

ACM 傳承使命

上個月兩個小朋友出隊ACM
能夠看見她們的事奉
實在十分感恩。

諗起上年暑假在書展買了一隻DVD
然後隨碟附送了他們十週年紀念演唱會的DVD
於是我就係屋企同佢哋一齊睇!
從來我也沒有想過
向來唔鍾意表演唔鍾意嘅兩姐妹
居然主動話想參加ACM的兒童詩班!
其實當時剛過了每年一次的招慕
要等到12月先有得試音
期間兩姐妹常常追問幾時先有得去ACM?
我深信一定聖靈的感動
佢兩個連見到陌生人都唔講嘢的人
居然記掛著ACM的事奉!

神又預備了在港島區和星期六有分隊
這些都是超過我們所想所求
這樣我哋可以省許不少travelling 時間
真是感恩!

今年的9月
我哋終於有機會參加音樂佈道會
出席《傳承使命》的音樂會
我覺得她們真的好努力
由朝早兩小時的rehearsal 
唱足兩小時的詩班獻唱加話劇伴唱
真係好勁!

下午三時正式獻唱
為主而努力呀!
記歌詞和記動作真是不簡單!

 

希望天父喜悦妳們的獻唱
願妳們的歌聲能祝福別人!
看見妳們的獻唱
想起了小時候的自己
相信福音的種子已落下妳們的心田
但願妳們長大後
能繼續事奉神
一生一世也要跟從主!

2017年9月29日 星期五

失蹤了的日子

原來差不多四個月沒有update
不知這裡還有沒有來呢?
這段日子真是忙

暑假的日子
去了一趟日本旅行
5個家庭再加8個小朋友絕不簡單
8天旅程獲益良多
特別要去重整教小朋友的方向和方法
要學習的
太多了
還要學習怎樣和一個小朋友鬥智鬥力
我白頭髮都多幾條!

作為一個半人獸媽媽
每天下班後繼續和阿囡溫習功課
唉。。。其實係咪expect 媽媽不用上班呢?
加上妹妹又要報學校做portfolio 填表交表interview 
要幾忙有幾忙!
有時weekend 只想瞓足一天呢!

今天是阿囡生日
話咁快就7歲啦!
媽媽祝妳生日快樂身體健康
仲有快高長大呢!


 

下個quarter 真想pick up 寫blog
其實另外開咗嗰cookery blog 
要努力一番!

2017年6月2日 星期五

第一次interview

上兩個星期,妹妹去了第一個小一interview 
雖然有過家姐考小一的經驗
但是今次是妺妹的小一競技賽
又是出世率極高的龍B
唔擔心就假!

自己知自己事
今次interview 由我自己帶
唉,可是大意的我又睇錯時間
早到咗成個鐘!
無得入去interview 住!

我心想:大件事,點挨一個鐘呢?
那時適逢Muimui 差不多開始有點攰
我真係有d怕佢扭計
唯有祈禱: 天父呀,點算呀?

沒有什麼事可做
她到地下的操場走走
一齊看看璧佈板的通告和相片
可以同佢簡單講一下學校
另外操場又有一班小童軍在活動
又可以俾佢睇咗一陣
之後再同佢玩猜樓梯上四樓interview
去過洗手間再睇多一陣書
終於到了interview 時間。。。

阿媽總算鬆一口氣。


結果如何,要等到8月先知。
不過,據說有5000人報
連入second round 都有難度。
相信天父會為你安排最好!
我們要有信心呀!

 

2017年5月4日 星期四

Smoothies for summer!

最近,敗咗部V 仔Blender
一心想係屋企整Smoothies
夏天到了,
Smoothies 就最啱啦!
尤其係我嗰個唔食生果的妹妹!

今次敗咗粉紅色
紫色同黃色其實都靚㗎!

Smoothies 好易整
㨂好自己喜歡的生果
切好曬d生果加Skimmed milk blend 好
一分鐘都唔駛就搞定了!

 

第一次我整咗Banana + Stawberries + Blueberries
好美味呢!
顔色又靚 !

 

第二朝就用Banana + 桃 + Skimmed milk
用來做早餐,也算健康呀!

 

繼續尋找recipes 先

朋友Gloria 出咗本新書
入邊有好多smoothies recipes
仲教我哋㸃樣食得煮得健康
做靚媽媽必備呀!

 

2017年4月29日 星期六

久違了的洞庭樓

許多年前
好喜歡到憶江南晚餐
因為幾近當時的住處
也是當時我覺得少數做川菜做得好的餐廳

搬離這區後好少回去
之後有一次回去
發現憶江南不在
以為他搬走了
再冇刻意去搵

最近去鯉景灣發現他
遠在天邊,近在眼前
結果叫老公一齊去試試

再叫返以前也好喜歡吃的

酸辣土豆絲
簡單的菜式,不過好多餐廳都好油
我覺得今次也炒得太油


 

賽旁蟹
做得好,蛋白都是嫰嫰的

 

還有京燒羊肉,必吃哦!



怎能沒有擔擔麵呢?
再辣一㸃更加好

 

很喜歡憶江南
碗筷,茶柸,茶壺也十分別緻
牆上的璧畫也很美

 


 

今次只有兩個人
吃的款式不多
下次要再和朋友一起來呀!

2017年4月14日 星期五

Mango Tree Cafe

自從太古城的food court 大裝修後
商場加入了許多新餐廳
我哋又可以慢慢試一試!
其中一間係Mango Tree cafe

有試過lunch 來吃
Lunch set 好扺食
今次同老公嚟食dinner

我發板食乜嘢

首先叫咗柚子沙律 

 

然後叫了冬冬蔭公湯
有大大隻的tiger prawn

 

另外叫了冬蔭公雞翼
係單骨chicken wings 嚟! 
我覺得嚟個係必吃!大家不要錯過!

 

另外我哋仲叫咗金不換肉碎意粉
呢個係偏油
不過辣味足夠 yummy yummy!



仲有一個推介
就係牛腩牛丸湯河
湯底極濃,好好味!

好開心的一餐,我哋又有新飯堂!

 

2017年4月6日 星期四

準備應戰

有人話幫小朋友預備考小一,
一次老十年,救命呀,我又老多十年,
兩個加埋老咗廿年呀!

依家已經係4月
下個月尾開始就會有interview
我地真係要好好預備一下
今年嘅龍B
競爭一定好激烈
所以一定要有備而戰。

作為佢媽媽真係自己知自己事
佢有邊d強項,邊d缺點大概都有idea
唯有enforce 佢嘅強項
又幫佢改善一下缺點
但係大家睇下佢一臉茫然的樣
我真係要同佢一齊努力


 

其實放咗工,
我就變身成為家庭教師
又要教功課又要教琴,
真係有D吃力!

經過家姐上次考小一
明白到真係要有一定水平的學術
再加想反應和應變能力
我只能盡力去幫助她
希望佢發揮到啦!

中文方面我借咗一d簡單的圖書教她認字和講故事
希望她可以識多d中文

 

其他方面仲試緊點樣train 佢

呢度有無龍B要考小一呢?大家分享一下呀!

2017年3月31日 星期五

童書分享 《小小地球人》系列

好幾年前已經留意到
巜小小地球人》這套台灣書
當然諗要5、6歲先啱睇
可以遲些才入手

上個月
終於立定心志要入手
找到人從台灣買回來
真係太高興啦!

36 本的小小地球人

 

每一本有一個主題的
阿囡暫時看馬桶,巧克力同牛奶
全部係同生活有關
套書包埋點讀筆
可以學埋煲冬瓜

比下內頁大家睇
其實內容都好豐富
初小的小朋友可以自己睇啦


 

幼稚園的小朋友可能要伴讀啦!

 

其實套書我自己都有睇
就當係增長知識!

2017年3月26日 星期日

同心同禱

最近,很感恩和老公有機會一齊去退修。
自從小朋友開始長大後,
我們倆一起拍拖的時間不算多,
能夠有兩個人相處的時候,
我哋都十分珍惜。

如果有看教養的書籍,
大家都知道一個complete 的家庭對小朋友有多重要,
而父母的關係更加是一個家庭的基石。
但是兩夫妻,要maintain 一段關係,
其實真是需要時間,心思
還有我們的信仰。
為了小朋友,
我們都努力去做爸爸媽媽,
努力做好管家。

這段日子,
感恩能一起經歷神。
是的,能夠二人一起不容易,
共同信仰帶給我們許多相同的價值觀。
而令我們最感恩
是二人同禱的時候。
有些時候,對方令自己好嬲好激氣,
一齊祈禱啦,
係神面前大家點都會俾面神,
唔會咁易開火。
如果對方在神求原諒,
唉,絕招一出又點繼續嬲下去呢。
以前我不太明白天父教導我哋
信與不信不能同負一軛,
原來背後的意義是這樣大。

兩個人背景不同,
如果沒有愛,
如果沒有神,
要維繫大家維繄家庭,
又談何容易呢?

做一個好妻子,
我學習做一個為丈夫代禱的妻子,
結果買了這本祈禱給自己,
放在牀頭,
每晚短短的看一篇。
同系列有為妻子和孩子禱告
我也買了給老公!

 











2017年3月19日 星期日

親子遊 - strawberry picking day

講咗好多年想去摘strawberry
最好當然係去日本啦
未有機會住
就約咗一班朋友仔去元朗錦田鄉村俱樂部玩

 

一遍大草地
我哋就去野餐
去這裡如果唔燒嘢食而自己帶食物
會收$20 per head

致於strawberry picking 
品種方面有法國同韓國種
分別是$80 同$120 磅

 

一班小朋友自己身體力行
自己食的自己摘

 

雖然價錢有㸃貴
不過要體驗就要付出一點代價

 

今次同一班小朋友來很高興
特別珍惜大家升上小一後再一起玩的日子
暫時放下功課,評估,測驗,考試,
過一個快樂的weekend
希望你哋嘅友誼繼續keep 落去呀!

2017年3月15日 星期三

究竟有幾忙?

翻看這一年的舊blog,
發覺自己寫得最多的,
是近來的工作和生活有多忙。
忙碌,
就已全面地描述我的生活。

是的,作為一個working mom
由起身的一刻已感受到與時間競選的挑戰。
返工,工作,連lunch time 也埋首於工作中務求早點放工,
放工後日子也不輕鬆,
遇上默書,評估的日子,
有時連晩飯也是草草了事。

究竟,忙碌令我們虛渡了幾多光陰?
又有多久沒有安靜自己的心去親近神?
最近可以安排一些時間,
在weekend 時完全放下工作守安息日,
也用這天讓自己安靜,
去思想神的話語和教導。

最近在看的靈修書
是盧雲神父和溫偉耀博士所寫的 <心靈愛語>
短短的一篇,
再忙也應該抽時間看。

 


平時我好喜歡聽溫博士的講道
生動有趣,而且十分貼地
他的講道常常是我的靈修material
這本書是要慢慢讀
也可按照自己的狀況來讀。
不一定要在靈命低潮才看,
未雨綢繆,
有點屬靈的Backup,
遇到困難時不致於朿手無策。







2017年3月10日 星期五

親子遊好去處 -觀塘海濱長廊

超級overdue 的親子blog
上年Xmas Holiday 同小朋友去了觀塘碼頭海濱長廊
第一次去這裡踏單車
(後來我們才知道原來不凖踏單車, sigh)
又長又直的長廊最適合小朋友

我們首先在近牛頭角那邊作起點
一直玩到觀塘

 

嗰日天氣好好
實在令人心曠神怡
可以望住海又近市區的公園
真係好relaxing 

 

我家的小孩,好愛cycling
有d似我細個喎!

 

係近觀塘嗰邊
仲有個兒童遊戲場
我哋玩咗成個下午

 

自從家姐上咗小學
我哋嘅生活已經變得很忙碌
好多時weekend 都要stay home 休息或者溫功課
好少出嚟放電。
不過我覺得
偶然去玩都是應該的!

2017年2月18日 星期六

妹妹考小一預備篇

妹妹Charlotte 已經K2
今年她要開始考小一!
雖然有了上一次的經驗,
大概知道考什麼,
不過要預備又是另一層次的事。

家姐的學校siblings 不是必收,
有好多Siblings 也收唔到,
真係令人擔心,
所以我哋也要為妹妹預備。

選校方面和之前的差不多,
喜歡的學校仍然喜歡,
神校仍是神校,
不過今次有多一點期望希望考到家姐的學校。
但同自己講
天父定會安排最合適的學校給她!

妹妹的性格和長處和家姐不同,
她的性格好勝又有恆心耐力,
所以都鼓勵佢全力以赴,
希望佢真係表現到佢嘅能力。

踏入新一年
我哋開始幫佢學多一點中文字
另外又keep 住睇英文書,
希望佢可以學多一㸃㸃。
不過我哋冇參加校外的語文能力測試,
我仍然希望她在愉快的學習環境下去發揮自己!

最近在誠品找到一本train up 專注力的遊戲書,
所以買了一本和她一起做,
入面的問題也同考小一小小的類似,
希望佢熟習一點。

 

唔知道呢度有沒有龍B呢?
大家可以分享一下預備考小一的情況!
希望大家都考到心儀的小學啦!

 






2017年2月12日 星期日

War Room

許久沒有安靜地去看電影了。
上星期教會的電影分享是近年有名的福音電影 《War Room》
於是送了小朋友上Awana 後便去看。

帶着期望,
不知神有什麼説話想講呢?
雖然我miss 了最開頭的二十分鐘
接下來的每一情節也叫我追看下去。
故事不復雜,
Typical 的情節基督徒的夫妻,
在結婚後二人相處的問題,
兩個人由相愛到互相爭恨,
不過,入面的信息卻叫我反思許多許多。

結了婚,有了小朋友,
夫妻之間有磨擦等閒事。
漸漸忘記了當天的承諾,
忘記了當天牧師的訓勉,
相信是要撞過板才懂得反省。

幸運的,每一次當我們回轉向神,
神總不會不看顧。

很喜歡戲入面Ms Clara的角色,
尊主為大,又成為別人屬靈的好朋友。
她提醒了我,
神沒有離開我們,
只是人常常把神忘記了。
感恩賜給我們屬靈的好朋友,
成為我們的好榜樣,
叫我們有困難時得著支持和鼓勵,
遇上快樂的事能一起感恩讚美。

一邊看War Room 一邊想
雖然家裡沒有一間在現實世界的War Room
但在心𥚃,
要緊記與主同行。
最近我們體會到神的信實,
衪切實地給我倆上了一課,
要在婚姻𥚃學習包容和忍耐,
免得我們的罪讓孩子也受苦了。
神要教導的時候,
是何等的真實。

能捉緊神的手,
走過每一天,
是祂白白𧶽下的恩典,
人算什麼?
祢竟顧念他呢?

不論你是否一位基督徒,
不論你處於順境或是苦難中
值得抽時間去看這一套電影,
反思自己的生命。





2017年2月8日 星期三

童言無忌

童言無忌
寸咀阿媽今迴棋逢敵手
被阿囡KO 了
果然青出於藍而勝於藍
節錄一下阿囡精境語錄

話說Donald Trump 當選
我哋一齊睇新聞報告
我話佢知Hilary落選了
豪無政治立場及背境的阿囡有d傷感
佢話佢想Hilary 當選
佢同我講: 媽咪,Hilary 贏唔到,好慘呀
我話: 係呀,好可惜,如果佢蠃咗,咁佢哋屋企Husband and wife 都係美國總統
佢話:媽咪,不如你去參選啦!
心諗,關我乜事
唯有回答:我唔想參選呀,我淨係想做少奶奶咋!
佢睥我一下: 你咁樣咩叫懶囉!

中。伏。
被人KO

這個小朋友真係好特別
一定係上天派佢來訓練我的EQ
然而,佢有d 嘢真係特別到我唔敢Challenge 佢
有一次我同佢一齊返崇拜
佢被我警告多次唔好再玩唔好嘈
我叫佢,睇下崇拜刊
入面有主禱文
從來我以為佢只懂諗不會解
之後佢坐定定半個鐘
同我抄咗一次

 

依家我每次發火之前
我就諗起佢靜靜地抄寫的樣子
我仲點鬧得落!😂😂😂

2017年2月2日 星期四

十分期待的蘇淅滙

以前到上海工作
常住的酒店附近有一間蘇淅滙
那段日子蘇淅滙差不多變成了我的飯堂
一星期最少去兩次!

然後多年無去上海
對蘇浙滙仍念念不忘
不過它在灣仔的店location 不算方便
所以未有拜訪。
最近它在太古開的分店
終於有機會去試啦!

睇下有乜嘢好食
古法煙燻蛋
流心蛋的做法
蛋白也是QQ的
實在太好吃了!


 黑义燒
賣相不算討好但半肥瘦的义燒確實美味!
全碟給兩小女孩KO 了!


另外也叫了燻魚
不過有點亁身和魚肉太實太鞋
所以下次可以不點了。

 
 
另外一讚有蔥油雞
雞肉煮得剛好又滑
蔥油又香

 

另外甜點還點了松子棗蓉糕

 

南瓜餠

 

兩樣甜點也十分出色!
特別是棗蓉糕十分香
應用了多多的棗蓉去做, Perfect!

十分滿意的一餐
未來又會成飯堂了!