2016年7月31日 星期日

台灣親子畢業旅行 - Day 1 高美夕照

係台中返咗嚟成個月都未update
希望今次不會爛尾啦
七月頭同家姐嘅同學仔一行4個Family 
去咗台中5天畢業旅行
盡興而歸呀!

今次台中之旅全是Kids friendly
所有景點都是以小朋友為中心
小朋友有朋友仔一齊更加樂而忘返
大家一齊三年的同學仔
希望你們升上小學仍保存這份友誼

好啦講返行程
我哋一行15人8大7小真係唔簡單


我哋搭中午機
所以早上有好多時間在機埸hea
我又要去食翠華啦,哈哈!
上到機啦!



去台中只是一個鐘
非常適合小朋友去
到達後我哋先唱錢
然後就會合司機叔叔

首先我哋去咗一個牧場
不過唔記得叫乜名
而我哋兩個小朋友都麻麻地動物
所以我哋好快就出發睇日落
地點是高美夕照

去到先知那兒對著海岸線
看日落真的真的很美呀!




小朋友跑呀跑呀
真是極好玩的!
放好鞋仔
佢哋要出發去濕地睇蟹仔



爸爸負責帶佢哋出去
我隔岸觀火
不過D相話我知真係好靚







小朋友玩得超開心
我就覺得好配合佢哋學校的理念
就是有一個快樂的童年
亦可能因為咁
佢哋一班同學都會從遊戲中學習






升上小學了
感恩天父為妳預備了合適的小學
相信你一定好快就適應到
再繼續愉快學習哦
邁步向前
願你有着主的恩典和愛主的心
陪隨着你成長!

2016年7月30日 星期六

Great food! Poor service! At Greyhound Cityplaza!

本來我好鍾意去太古城的Greyhound
因為食物真係好好味
不過最近兩次去也有不愉快的經歷
就是服務態度非常麻麻

先講開心的事
食物是很有水準的
我好喜歡吃的salmon cappracio
個青檸汁好正!

另外炒pad Thai 也非常好味!



冬蔭公鮮蝦湯河 - 可惜河粉太少
同埋如果配金邊粉會好味D!


另外Fusion 泰國意粉
我會推介這個蜆意粉



還有單骨雞翼
炸得香脆不油Yummy!


每一次來也希望吃得開心
因為同老公一星期一次拍拖
當然要食得好d
但係最近兩次
打電話來book 台時的態度超冇禮貌
有一次我book咗台但遲咗10分鐘
個waitress 就話你遲咗到喎你要再等下
其實我真係唔介意等一陣
可況當時唔多人我都估唔駛等好耐
但係就好唔喜歡D態度
我覺得要run 好一間餐廳
對客人也要有heart有禮貎先得
兩次經歷令我好hestitate 再去唔去
真係唔想食到一肚氣!

希望間餐廳快d做好d
唔好浪費咗咁好嘅食物!
如果因為服務態度而令客人唔再去就好可惜啦!

2016年7月17日 星期日

考小一預備篇 - 面試預備

繼續上篇
今篇寫返預備面試的準備
不過純屬個人分享
不知道是否適合每一位小朋友呀!
記得每一位小朋友的特點也不同
而我教妹妹時也不是全套copy 呀!
不過同大家分享我今次的預備
暑假過後又要prepare 妺妹了!

講返面試預備
跟據返學校的類別:傳統名校或是活動教學
大約可猜到面試的重點
有些是著重學術,有些是活動group interview
另外就是mixed - 重學術又有活動

不過面試最基本是學術和common sense
還有是禮貌和好的品格 
(不過禮貎是最basic 最緊要的!)
所以要一段時間去train up
學術方面我只train 了中文和英文
沒有普通話哦
因為大部分的面試也只考中,英文
要考普通通話的較少
所以我就沒有特別教更加沒有去考試
而教語文方面
我用了大量閲讀的方法讓小朋友認識中英文
差不多每晚我們仍會一起閲讀圖書
讀到訓覺為止
一晚可以讀幾本
這段時間是我們的親子時間
亦透過圖書去教她們價值觀
我好少要她們認生字
反而純屬培養閱讀興趣為主
只要喜歡閱讀教養的事就好搞了!

如果要認字,通常是用字卡學習
市面上有多字卡
最好㨂只有字沒有圖畫的字卡
學校也有,不過是要家長配合
所以我主要用學校一套去學習


英文方面我就讓小朋友學習Phonics
這樣對將來上小學也有幫助
同樣是language 真是要浸出來
所以學了phonics 也要多練習
也就是多讀書哦!

除了language 
另一樣常考的就是排卡講故事
這一個sections 考到小朋友多方面的能力
好像Logical thinking, language ability, vocabulary banks, 還有表達能力
要train up, 我用了一些排卡工具和她玩




玩得多,講得多,自然會掌握到當中技巧,
亦可以學到當中的知識!

寫到這裡
不知你會否覺得好怪獸呢?
香港的教育制度要小朋友通過小一競技賽入學
我真的覺得很不可思議
除非可以送她們到外國
否則只可以成為Part of the game!
我絕對認同政府的教育政策好垃圾
教育局的影響力是涉及整個社會和下一代
而且可以是十多二年的影響
我不明白為何可以由如此廢柴的人擔任
既然在這個制度下
唯有盡力找一點方法去幫自己的小朋友
希望可以在一間同教學理念的學校成長呀!







2016年7月16日 星期六

考小一回憶錄

想不到這麼快就要升小學了!
記得由K2下學期開始就開始面試
其實這篇想和大家分享一下我們的經歷
和預備過程
心情真是起起伏伏

我們預備考小一
也有考慮有妹妹跟尾
如果可以入讀官津小學我可以不用再煩一次
坦白説我對小女考小一沒有抱太大的期望
如果她有能力考到,就去讀了!
這是她自己的能力所做到的事
不要因為妹妹而放棄呀!
考不到的話,就要靠一點運氣了!

首先講下選學校
在報考時大家不用太執著
不妨報多幾間
比小朋友多點機會去面試
就是warm up 一下
所以我都報了不少
之後有些crash 了interview 時間
有些小朋友病了
所以又少了些機會!

報名時有些學校要portfolio 有些不要
其實有幾千學生報考
有幾多學校會睇!?
所以這一part 不算難只是煩
煩要揾相,作文,做手工,study 學校理念找重點去配合
it's just a matter of time
如果你有一個skeleton 
之後就好容易了!

另外到了interview 時
會八掛一下大概考什麼
也會和她在家中預備一下
不過這個預備過程不短呀
因為要build up 她的knowledge base 不是一朝一夕的事
我大約在K2 開始時預備
慢慢的讓她學習
(預備了什麼可以再寫另一篇呢!)

另外就是預備小朋友的心情
可以跟返小朋友的性格去解釋發生什麼事哦!
Cheryl 是一個思想比較mature 的人
我不可以騙她去玩下啫!
反而我是老老實實跟她說
「你要升小學啦!
老師想見下你認識一下你,
看看你適不適合學校
另外你自己也看看你喜不喜歡這間學校呀!」
每一次入去前我會跟說Try your best!
還有之後一起去一個她想去的地方做想的事
她通常是㨂去食MacDonald 或者去Toysrus!

小朋友考小一時只有4,5歲
我覺得香港的教育制度
要interview 已經是far beyond 他們的ability 
Sounds too crazy!
所以不論結果是怎樣
我們都是讚賞加鼓勵的!

感恩的是有學校收了她
而是我們也喜歡和合適的學校
真是感恩呢!
下一篇再說預備了什麼呀!