2016年3月26日 星期六

太古城芽莊

話説我哋今年開始
終於有多返少少私人時間
每星期會抽一晚兩個人去食飯
拍下拖又或者傾下計
我希望我哋可以keep 住咁做
可以令大家的關係也好d!

上星期我哋就去咗太古的芽莊
非常地道的越南菜
平時主要來吃午餐
吃晩餐只是第二次

一去到就叫了越南coffee
我真係addicted to coffee!


另外點了生牛肉金邊粉
湯底是好好味!


C爸爸就叫咗豬扒凍檬


如果大家來
一定要吃牛油雞翼
超級肥但好好味
D雞肉又嫩又滑


仲有點了芥蘭, 不油呀!


食到飽飽也是二百幾真係好抵食呀!

HKJC - 同心同步同樂日


一連幾日公眾假期
大家諗住去邊度玩未?
假期第一日
我哋就約了同學仔去香港馬會舉辦的
同心同步同樂

出發啦!!
其實我也是第一次到沙田馬場呀!!




我哋會合了朋友仔
首先去玩 DIY
毎項DIY 也有時間限定
可以到DIY 區先預定好
我哋一共 book 咗3 個 DIY~~

第一個係整釣魚仔!

整手工就最啱我哋~





玩完两個DIY 
(1個整釣魚遊戲, 另1個整筆筒
不過其實都需要家長協助!)




我哋就去咗 Food Court 醫肚啦!!
之後就等玩下一個DIY~~

期閒小朋友就自己玩下 Game~~
佢哋已經發展到自己諗個 Game 
有不同的 Rules~







之後我哋又準備去另一邊睇馬步操~~
不過途經另一個小遊戲又要玩一䎾輪




行得啦~~
彭福公園 ~~ 我已經N年無嚟
有個遊戲區不過已經逼爆啦!



如果小朋友想騎 Pony
要之前抽呀!
(不過我哋抽唔到 lu!!)



其實今個活動仲有好多嘢未玩呀!!
不次可以分兩日玩~~

俾D information 大家啦!!

日期:
2016325日至26日(復活節期間星期五及星期六)
時間:
上午10:00至晚上7:00
地點:
沙田馬場及彭福公園
入場費:
套票於229日上午9時起於活動網站www.hkjc.com/rht發售。售完即止。
每張套票售價為港幣60元,包括入場券一張(價值10元)及遊戲券五張(共值50元)。三歲或以下小童免費入場。
活動網站:
 HYPERLINK "http://www.hkjc.com/rht" www.hkjc.com/rht

適逢2016奧運年,馬會將今年同樂日主題定為「體育精神」,五大主題區域設超過七十項寓教育於娛樂的活動,適合一家大小參與。今年亦是「風之后」李麗珊為香港奪得首面奧運金牌及輪椅劍擊世界冠軍張偉良於殘奧獨攬四面金牌的二十週年,這些彌足珍貴的「香港第一金」,也將會於同樂日展出。

五大主題區域的焦點活動包括:  

 同樂互動區:珍貴展覽紀錄香港體壇光輝

「同心同步展覽」區將展出香港過去於一系列國際運動大賽贏得的獎牌和獎盃,包括「風之后」李麗珊在1996年阿特蘭大奧運會奪得的香港史上首面奧運會金牌、輪椅劍擊世界冠軍張偉良於1996年亞特蘭大殘奧會上個人奪得的金牌、現任馬會見習騎師學校校長陳念慈於1988年奧運羽毛球混雙奪得的銅牌、以及香港馬術代表隊於國際賽事奪得的各項殊榮等,讓市民了解香港體壇發展的歷史、馬會對香港體育活動普及化的貢獻。

同場更會展出香港賽馬發展以及一系列香港奪得的國際大賽獎牌和獎盃,機會難逢,歡迎市民到場拍照留念! 

此外,該區設有多個新穎運動遊戲,包括陸上風帆、輪椅劍擊、自動乒乓發球機、發電單車等,以及多元化DIY工作坊,鼓勵參加者一展運動潛能及創意。

 同步動起來:體適能測試、足球擂台全民參與

好動人士可接受五個嶄新的體適能測試,了解自己在耐力、彈跳力、爆發力、手握力及柔韌度五方面的體能狀況,並將自己的成績跟本地運動員數據作對比,了解自己有幾fit
    
馬會與國際足球勁旅曼聯再度合作,為12歲至15歲、熱愛足球的青少年設立技巧挑戰賽,最出色的四名足球小將,今年夏天將被保送到英國曼徹斯特市的曼聯訓練基地參加交流之旅,實現足球夢。


 同拍同分享:大型裝置藝術首現香港

著名跨界藝術家馬興文先生的大型裝置藝術作品「舞動的水滴」,繼在威尼斯、米蘭、北京等地展出後,將首度移師香港。展出的大型水滴共有二百顆,以藝術手法展現水滴不同時刻的各種形態,並在透明的水滴中添上色彩,燦爛繽紛,傳達快樂愉悅的能量,宣揚仁愛自然,並以藝術歌頌體育精神。

繼去年成功挑戰世界紀錄,製作全球最大的手指紋繪畫後,馬會今年將聯同近一千名中、小學生,製作全球最長的打氣紙圈及送上鼓勵訊息,挑戰世界紀錄,現場人士可一起見證壯舉。

八幅別出心裁、以世界級賽馬及熱門運動項目為題的3D藝術畫,會分佈於沙田馬場,供市民拍攝繽FUN有趣相片。

 同策駿馬園:近距離親親小馬

為進一步推廣馬術運動和體育發展,彭福公園將於同樂日期間變身成為馬術俱樂部,一家大小可以與馬匹近距離互動。在馬術教練的陪同下,小朋友可與可愛的雪特蘭小馬合照,並一嘗策騎小馬的滋味 (小馬策騎須預先登記,詳情見活動網頁)


活動亦設有多項馬術表演,包括於國際賽事屢獲殊榮的香港馬術代表隊,示範馬術場地障礙賽及越野賽;另外,市民亦將會欣賞到馬匹護理示範和別開生面的韻律馬術表演。 

2016年3月23日 星期三

校際音樂節

不經不覺
心柔都學咗琴年多了
之前老師問我們想不想參加音樂節
我又膽粗粗幫佢報名!

不過給她的教導是
不需要計較名次
只要全力以赴,超越自己就可以了!
事前的預備工夫不簡單
差不多每晩也要和她練習
有時也會很勞氣
特別係放工後同佢一齊練習
而佢又懶懶閒
我就火都嚟!


就在比賽當日
我哋出門口前只練咗一次
去到現場
大部分參賽者也是小學生
好似得佢係幼稚園學生
我就覺得只要盡力就可以了!

入場了
原來要分開坐
我只好同佢講Try your best!
佢就淡淡定定的進場了


比賽時
聽見其他小朋友真係好出色
有些小朋友是好有天份
我心想只要全部彈得啱做到大細聲就可以

到了心柔時
她真的比平時彈得好
無彈錯
我已經覺得好好
所以接返佢時
特別要讚讚佢可以超越自己!

結果是得了Merit!
Very good my dearest!



不過講返練琴
最近看到一篇講有效練琴方法
特別記低同大家分享!
我這個陪太子女學琴的媽媽
要找些方法先得!



2016年3月19日 星期六

戀戀沖繩

雖然剛在新加坡回來不久
又身痕想去旅行
可能因為工作太忙
想找個目標給自己
或者是給自己一個希望
好快就放假啦!

本來諗住暑假去九洲
不過暑假機票好貴
而且家姐小一應該會早少少開學
所以就想嚟近五一假期就去個沖繩短trip

Book 了機票只是HKD1,900
好抵呀!
所以就同友人一同出發了!

在Facebook 找到嗰group


入面有超多資料
我哋煲咗成個星期
大概諗到去邊玩啦!
不過今次時間短
希望下次再去!

今次最想去水族館,slides park 同埋吹玻璃
希望小朋友玩得開心啦!

2016年3月13日 星期日

踏單車記

我家兩個小朋友好喜歡踏單車
媽媽我覺得
有一天妳們可以自己去踏單車
就可以去到自己喜歡的地方
有自己的世界!!

兩個小朋友從前玩 Balance Bike
超好玩又可以練平衡
有時候她們會在家中鏈車
一玩可從成個鐘也不悶!

上星期爸爸教妹妹踏兩輪車
她一上車就 Handle 到
真是好 Amazing!!
妹妹的體育天份不錯呀!
可以在這方面發展一下

第二天婆婆帶她們去再玩
她已經霸住家姐架車啦!!




妹妹的性格
好有毅力, 堅忍和沉著應戰
好有運動員的特質
我們要好好發掘一下!
發揮所長!








2016年3月11日 星期五

情人節自家煮

現在才有時間update 情人節自家煮的情況
今年情人節在網購店匠本鋪買了A4和牛package
然後再弄了松露螺絲粉
簡簡單單又是一餐又是一年了

個package 有兩塊牛扒
但係實在太大塊啦!
所以今次只吃了一塊
原來和牛真係入口即溶的!


之後我仲用松露醬整了螺絲粉呀!
細細樽不算貴而且好香


我只係簡單地煮好螺絲粉
再加松露醬炒炒就完功了!


另外買了沙律菜
再配自己製的蜜糖芥辣沙律醬


還有還有甜品
近來最愛的灣仔碼頭紫薯湯丸,超好味!

話時話,原來我哋咁多年
都是自家煮慶祝
又唔駛收花
真係要俾個慳家大奬自己哦!