2015年9月24日 星期四

快閃一趟新加坡

上星期J Mama 快閃了一趟新加坡
為了工事速去速回為妙
數一數,原來有數年沒有一個人飛了
上到飛機,可能是夜機的關係
一起飛就倒頭睡了。

第一天跟同事去food court
叫了最愛吃的Laksa
不知正不正中
總知就是美味啦!


第一天開行turbo 工作
晩上又有business dinner 
冇晒私人時間
真係唔多爽

第二天lunch 可以自己出外走走
輕輕鬆鬆得多

今次吃藥膳午餐
這個湯有杞子,木耳,排骨再加埋藥材
喝下去有很補身的感覺!


另外再點了元肉茶,100分!


本來想到書店一趟
不過太趕去不到
好彩在商場有一間小鋪
總算找到幾本習作給阿囡
因為Singapore 的情度比香港高一點
如果想加強academic 可以考慮一下


晚上總算有時間出外走
吃過dinner 再去super 買手信
不過我去的是鬼佬supermarket Market Place再加上有限storage 
所以收穫不大
只入了以下


星期三只返上午,下午便回港
臨上機時在吃雞飯!
唔靚仔但個source 超好味!


好快完咗business trip
希望唔要咁快又飛!






2015年9月22日 星期二

童書分享

一直都想寫童書分享
希望大家愛書之人可以交流分享一下
有什麼好書可以給小朋友
其實圖書館也有好多好多好書
不過我自己鼻敏感
看的時候不舒服
所以屋企的書大多是買回來或是朋友轉贈

我們家好喜歡讀繪本
特別是台灣或是日本的也愛
今次介紹一下近期大愛
其實每一本書也有它的意義
許多書我們都翻看多次呀

<奶奶的記憶森林>


故事講昔日照顧自己的奶奶
患上了腦退化症
記憶慢慢消失的故事
家中有老人家的
可以和小朋友讀這一本
對我來說是個傷感的故事
不過我囡囡很喜歡
差不多每晚也讀!

<我以前也會害怕>


講述小動物合力幫助好朋友
克服困難勇敢面對挑戰
這本主要講友情
又可教小朋友不懼怕困難
好適合4歲左右開始有自己朋友的讀者

<屁屁偵探> -第一和第二集


非常搞笑輕鬆的讀物
圖畫畫得靚
而且可以在找答案中訓練集中力和觀察力
兩集都好好睇好好笑

<生氣王子>和<愛哭公主>



這兩本是關於鬧情緒的書
是用來教小朋友怎樣處理自己的情緒
因為小朋友總是會發脾氣
有時又會哭
真係有d難搞
不過有時鬧情緒係因為有一些需要冇人address
我唯有都要control 住
否則我又火爆啦!

另外有一套英文故事書好喜歡

Franklin the turtle 系列


之前可能也有介紹過
這糸列的書是講小turtle Franklin
入面有好多哲理可以同小朋友講
好似這本就有教同理心
依家好多人都冇同理心
希望阿囡從小認識呀

仲有好多童書想買
大家有冇好書介紹呢?
有時覺得好多大道理也可用繪本去解釋
而且呢個bed time story 時間
係我哋同小朋友最close的時候呀!
長大後希望佢哋記得有個故事媽媽!




2015年9月13日 星期日

暑期活動 - 鋼琴表演

自今年初開始
Cheryl 就開始學鋼琴了
現在的小朋友
個個都䁱得琴棋書畫
學鋼琴差不多是最basic 了!

不過我給她學鋼琴
是因為如果將來要學另一種樂器
鋼琴的理論是最基本
而且鋼琴也是相對地容易掌握
只要肯勤力練習有恆心
要彈奏得好並非想像中難

不過她現在還少
concentration 不算太高
所以同佢練習要分開一節節練習
每次可能係最集中的10 minutes!

今個暑假
鋼琴老師搞咗個學生音樂會
Cheryl 差不多是最細個的學生也有分演出
真係好開心
她自選了兩隻喜歡的歌表演


作為媽媽
我好開心見到她克服恐懼
勇敢地上台表演
而且比平時練習彈得好
老師的功勞真不少
她真的好棒呀!

另外仲有同兩位小朋友一齊表演percussion 
仲有全部小朋友大合唱
全部out perform!

當她長大
我希望她仍然喜歡音樂
仍然喜歡彈琴
不要為了考試而學琴
所以我同老師講好
興趣行先,考試第二
老師都好配合而且好有心機教
一個好老師好緊要呀!
我小時候就是遇到一個不好的老師
所以怕了彈琴
我絕對不想歷史重現呀!




2015年9月11日 星期五

妹妹上學去

我們家的Muimui
今年要上K1啦 !
時間是否過得太快呢。。。
這樣快便要上學去!

很幸運
Mui Mui 可以同家姐一齊返學
一直期待你們一起上學的日子哦!


大家一齊去早會
感謝主我們有機會上學有機會讀書
將來要做有用的人!


第一天返學
還可以參觀學校
有茶點
我兩個囡老實不客氣
食個飽飽!


第一個星期的適應週
只返一個鐘
放學後就同Mui Mui 去食Tea
蛋糕好好味!


My dearest muimui
相信你會喜歡返學啦!
要努力讀書呀!
將來要行在主道中!


2015年9月6日 星期日

為小一預備 - St Paul's Co-ed

踏入九月又是考小一的季節
嚟近9月有好多直資,私小會開始報名
亦有不同的家長會舉行
就在9月2日神校級St Paul's Co Ed 就舉行了家長會
許多許多家長也喜歡這間學校
學術成績好,音樂好,運動不錯
校風純樸,校舍又大又靚
(好啦數N個理由也數不盡了)

而我這個半人獸家長
也十分喜歡這間學校
之前有參加學校參觀
有機會接觸學生
St Paul's Co Ed 的學生是十分有禮貎和乖巧
當去認識學校
知道以品德為教學重點
更明白這間傳統名校的優勢

小一收生有兩round interview
第一round 只考小朋友
第二round 會再有interview 家長
和家長是面談大家的教育小朋友的方向
據理解
會睇小朋友有沒有禮貎
不考學術
但會睇小朋友的應對和social skills
校方不建議小朋友上面試班也不喜歡
反而喜歡小朋友純真的一面
小一學校只有140個
有不多於7成會分俾有關係人士
我哋第一個仔女去考
又乜嘢關係都冇
要考到真係好大競爭




對我們來說
一個N冇家長
要小朋友考到我諗除了靠神的力量
都幾難靠自己了
除非她䁱飛天頓地
否則第一round interview 完都幾難入second round
不過我們的想法是
報了名給了一個機會去first round
有second round 就是bonus 了!

好多人話St Paul's Co Ed 是貴族學校
認識入到此校的小朋友都是嚟自屋企有環境有家底
另外再睇下嚟接放學嗰條長龍
就知道學生非富則貴
不過校風仍能保持純樸
佢一定有佢辦法

寫一篇blog 時2016 的申請已截止
這一篇可以留給其他人參考啦!
報咗名的小朋友
大家就一同努力考到心儀的學校啦!











2015年9月1日 星期二

暑假活動 - 第一次到戲院看電影!

今年summer 我哋第一次同兩個小朋友到戲院睇戲
因為怕佢哋坐唔定
我哋揀咗星期六的早場
而今次我哋揀咗Disney 的Inside Out
朋友們都極力推介
呢套戲係講不同的Emotions
可以教下小朋友人長大後會有不同的emotions
點樣去面對才是最重要呀!


其實Cheryl 好有心機睇
而且好專心
妹妹去到尾段就感性D
睇到喊咗出嚟
所以我就要抱佢出去
睇唔到結局。。。嗚嗚。。。


對於5歲的小朋友
其實有d深奧
所以之後我哋就用圖書再去重温一下套戲
同埋解釋返入面嘅意義


人長大後唔係再得開心嘅事
有時都會唔開心嫁
要接納有憂愁的時候
亦都係transit到返開心的重要環節
阿囡似明非明
這個人性道理還需要時間去理解!