2013年9月30日 星期一

Happy Birthday to Cheryl

29.9.2013

Happy birthday to my Cheryl!
Wish you good health and happy always!

星期天
心柔的三歲生日
生日快樂呀!

天氣很好
決定去Disney 玩一趟!


準備出發啦!
家姐會拖實Muimui

2013年9月27日 星期五

牛魔王

C爸爸同J媽媽都係牛魔王
好多時weekend工人姐姐放假
但係又唔想出街食
就通常會煎牛扒做晚餐

要煎牛扒煎得好並不難
最好的拍擋係Le Creuset 的Grill Pan
好容易就煎得到靚牛扒

2013年9月24日 星期二

十六個月

又一個月
Muimui 已經十六個月大啦!
有時覺得她是個小巨人
行為和身型有點像個兩歲的小孩子!


又去 Quarry Bay Park!!


中秋假期我哋又去 Quarry Bay Park 玩啦!!
今日帶咗大相機
我哋可以影多好多靚相!!
仲有同埋 Anson 朋友仔一齊玩咗一陣!!

好動的 Muimui
喜歡爬高爬低!!


IMG_0845


2013年9月23日 星期一

蜜糖芥未籽雞翼

好耐都無 post 食譜
在舊 Blog 的食譜也未搬過來~
要努力 update 我的食譜!
(不過唔知有冇人做 reference 呢?)

今日整咗蜜糖芥未籽雞翼
不過已經是第二次整
上次唔記得影相所以無 update
今次要寫返!!
從前我好少用 Mustard 整嘢食
但原來加了蜜糖後味道就不一樣啦!
如果加埋 Balsamic Vinegar
更加可以成為沙律醬!  Yummy!

結果買咗下面兩樽 Mustard 看門口

2013年9月21日 星期六

媽媽變靚D 之 基本護理篇

之前講過 J Mama 的美顏篇
隔了差不多一個月
才有時間寫這篇基本護理~~

J Mama 本身的皮膚好敏感
剛剛出來做嘢那幾年
工作時間長
忙碌又大壓力
我的T 字位長期有壓力大瘡瘡
自此我的面就與瘡瘡結緣
左一粒右一粒
印象中皮膚好返一點
是陀住兩個小朋友的日子
真的要多謝兩位給我的皮膚透透氣!!!

2013年9月20日 星期五

遲來的中秋節快樂

遲來的中秋節快樂
這個星期好忙
搬Office 同事又快離開
J Mama 的工作真的好忙
忙到連Blog 都唔得閒寫!

中秋節
要和家人聚聚
一家人一齊食做節飯

2013年9月17日 星期二

Cheryl 入院記 (下集)

入了醫院
經歷了抽血和種痘
Cheryl 總算知死了!
起碼肯自己食藥
淨係唔比姑娘見到!
Ok that is fine!

在醫院的日子
媽媽一早回公司處理urgent 事務
又回去陪Cheryl
無事做的她愛去common area 畫畫
其實個環境都好舒服


之後行行企企睇下電視
講下故仔又一天
在醫院Cheryl 睡得多
連下午也睡三, 四個鐘
我諗佢真係超攰超exhausted 


入了院,Cheryl calm down 好多
願意俾醫驗查呼吸,耳仔同喉嚨,
連醫生也讚她長大了
如果因此她諗通了
無論點,病都係要食藥
入院真係直得!


住在醫院的日子
媽媽可以多點陪著你
真係覺得出院後要陪你和妹妹多點
工作再忙
你倆才是最重要


在院兩日兩夜
終於stable 下來
沒有再up and down 發燒
醫生話可以回家休息!yeah!


返屋企啦!
真係要好好練好身子
增強抵抗力唔好咁易病呀!

2013年9月15日 星期日

Cheryl 入院記 (上集)

上幾篇講到兩姊妹都病了,
星期二晚Mui Mui 又再發高燒,
Cheryl 還好已經沒有發燒
起初以為Cheryl 已經好返
但星期四朝早又發燒
結果又去睇醫生

令我們最頭痛是
Cheryl 好怕食藥
由細到大食藥好似打仗咁
又氹又鬧又迫
好心情時就跟你吃
唔好心情扭做一粒鐘都不吃
婆婆同工人姐姐都搞唔掂
我見到都好心痛
三枝5ml 藥食你成個鐘!!

星期四睇完醫生又唔肯食藥
發燒燒到39c
媽媽放工回家見佢又扭
扭足兩個鐘
淨食咗5ml 敏感藥
因為遲了吃退燒藥
燒到39c
咁搞落去唔係辦法
所以媽媽決定去醫院睇門診
希望有塞pat pat 藥止燒先

去到睇醫生
解釋了唔食藥的情況
其實斷斷續續燒了4天
醫生 suggest 入院
可以種痘注射antibiotics
Make sure 她一定用到藥

於是決定入院!!!

等入院同醫生來
然後再安排種痘,抽血和食藥,
種痘和抽血時要到治療室,
媽媽要在門外等,
只聽到她不叫要搵媽媽
不過過程不算太長
大約一兩分鐘
姑娘們都好experienced 去處理

出來之後,小手變成這樣


其實做媽媽見到這樣
怎會不心痛?
不過我覺這對心柔是個好的experience
起碼她現在知道
不吃藥的結果
就是要返醫院!

之後還有口服的藥
肯好姑娘好好人
好快就氹掂心柔
俾人制服在病床,
爸爸就負責餵藥!

結果那一晚要 midnight 先有得瞓
向好方面想
就是我可以全日陪著Cheryl
其實心裡也安慰自己可以陪著她
沒有工人姐姐在身邊
Cheryl 比平時乖好多好多
我覺得自己應該再放多一點時間在她身上
唔好成日rely on 工人姐姐

在醫院的日子
全天候陪著心柔
比起在家中的日子更珍貴

Working mom is not easy
點樣可以找到平衡其實不易
好想多點時間陪著她們成長
真是要努力呀!




2013年9月14日 星期六

親子時間。開學的第一週

上星期Cheryl 已經開了學

成為一個K1的小朋友!
第一天是開學禮
都是歡迎新生
又介紹一下學校和參觀學校
學生不用上課!

第二,三日是親子上學日
可以有一個家長陪同上學
而我亦放假陪阿囡返學啦!
上課時間是下午3 to 4 pm
返學前又陪阿囡
上堂時,她都是一貫作風
要Observe 
不過上音樂就好開心
學校的音樂室好大好靚
她開心到跳舞!

到了第四,五日
要自己上堂啦!
Surprisingly 她可以自己上堂唔喊啦!
其實J Mama 去了隔離班做義工家長
照顧小朋友
原來K1的小朋友
好多上堂都唔再喊啦!
同埋有好多小朋友母語不是廣東話
有講英文同普通話的朋友仔

第五日是生日會
亦是Cheryl 有份的生日會
可以不需要著校服
有自己整的生日帽

老師話心柔要抱住先肯影相
我睇返老師影的相
她好唔想企埋去同小朋友一齊影相同吹candles
媽媽都明白你的。



陪了阿囡五日
最大的感受
是媽媽真的好想放多一點時間在她們身上
雖然我都貪心
仍然希望有工作可以為屋企為將來的生活預備好
所以Mama explore 多d part time work 的機會

希望做到工作同屋企都兼顧得到!

2013年9月11日 星期三

It's my turn!!

今日終於收到TR90
十分興奮!
原來好大盒㗎!
送到家𥚃時也嚇了一跳!

謝謝送貨員哥哥漏夜送貨!


睇下入面有乜東東
下面是主要的產品


明天我就要開始了,期待期待!

*****

睇返什麼是 TR90 去下面的 Blog


*****

開了 Facebook page

    大家like 咗未?


最簡單的薯仔炆雞翼

今晩食乜餸?
有我最愛吃的薯仔炆雞翼
由細到大都咁鐘意食!
所以一有時間就會整!

用Le Creuset炆雞翼好快手
大約半個鐘就炆好了
做法好簡單
放工回家好快就有得吃!


1 首先雞翼用豉油,糖,楜椒粉先醃1小時
2 薯仔,洋蔥切大件
3 用中火下油在Le Creuset 煲中,先煎香雞翼至兩邊金黄
4 下薯仔和洋蔥和少許水到剛剛蓋過雞翼
5 轉細火再炆30 mins, 最後加入少許蠔油和辣椒粉調味,即可上碟



*****

各位 Blogger 我新 Blog 係
大家記住呀!!


開了 Facebook page

    大家like 咗未?


2013年9月9日 星期一

兩個都病了!

一返學,兩個都病了!
做媽媽的我,怎能不擔心!
Muimui 由星期六開始又發燒,
吃了薬也不能退,好擔心!

其實小朋友病了
爸爸媽媽都寧願自己病
成個暑假都無病
一返學就打敗仗
點解㗎!

我兩個女的抵抗力認真麻麻地!

今次首先敗倒的是Muimui
發燒加兩行鼻涕
然後再到家姐
又是發燒呀!
雖然我知要隔離她們
但時實上好難做到
除非搬走其中一個不太可能吧!

其實我一直努力幫她加強身體抵抗力
例如做多點運動
又吃健康的三餐
她們的三餐都是多菜少肉
每天也有新鮮生果
她倆從少也有吃 Udo DHA oil 去補充DHA
我可以肯定她倆吃的一定比我健康
卻偏偏不停輪流病
真的想哭!

最近我也給了 Nu Skin (Pharmanex) 的 Jungamals親親兒童營養素和 Probio 益生菌給她們


Jungamals 是小朋友的 Life pak
有多種維他命及礦物質
而益生菌就幫助腸道健康
因為 Cheryl 從小便便就有問題
經常三,四天才有一次便便
這樣對身體和皮膚也不好
毒素會積存亦會在皮膚反映出來
Cheryl 的皮膚是超敏感和易出疹的!
現在吃了一個月
已經可以improve 到一至兩日有便便啦!
希望她身體體質可以慢慢improve 過來呢!

阿囡阿囡
媽媽希望你倆身體健康不要常常打敗仗啦!
做了媽媽之後
有一個看似簡單但絶不簡單的願望
就是希望小朋友健健康康地成長
因為每一次病
媽媽都好心痛
為了你們的健康
希望你們都可以吃得健康
阿囡阿囡
加油呀!

2013年9月7日 星期六

三十五個月成長日誌

還有一個月左右,
心柔就三歲啦!
這個暑假
我相信她真是好高興!
最開心是見到她學識了踏單車




放暑假的時候
婆婆每天都帶兩小魔怪到公園玩
玩到一身汗
玩到唔捨得返屋企
小朋友多做戶外活動對身體好!
又可以開開心心
就是走走跑跑已快樂不過!!

有時又喜愛做鬼臉!
This is her Angry Face!!


其實
心柔好錫 Muimui
好多時都愛照顧 Muimui
又會教她
又會拖住她的手
真是好 sweet 的!




兩姐妹好似越嚟越似樣!


九月份就要升上K1
媽媽希望妳會喜歡新的學校
有新的體會
也希望妳能溶入其中
新的學校好好
可以 open 上堂前 30 mins 是自由時間
家長可以陪小朋友到學校玩
不只於自己的課室
去其他課室都 OK
J Mama 可以放 Lunch 時來陪妳多一點呢!!

還有一個月
妳就三歲了!!
時間過得好快
我還記得妳出世時好似一隻貓仔
現在己經大個女啦!!
Love you always my dearest!


2013年9月6日 星期五

媽媽變靚D之減肥不挨餓 Follow Up

Update 一下過去一個月J Mama 的修身之旅
話說J Mama之前去咗上堂學咗點樣減肥點樣係聰明飲食
第二個月我仍然跟住這個飲食習慣
就是每天要吃3餐
每餐吃1份水果1份蔬菜1份蛋白質再吃少少澱粉質
就是去了日本旅行時也跟住這個方法
只要去supermarket 買定生果帶在身邊
這個方法不難跟呀!

再過一個月
總結一下成績

體重再減1.5kg (total 減了3.5kg)

脂肪率再減了2% 

Build up 了muscles 可以幫助消脂肪

距離目標又近了點

我會繼續努力呀!

從來我也不是可以好快地瘦的人
所以有此成績也覺安慰
其實減肥是耐力賽
要有恆心要有堅持才會成功!

好耐好耐無post 過我的全身照啦!

同我一齊加油努力呀!



世界上沒有醜女人只有懶女人

大家一齊努力做靚媽媽!



2013年9月4日 星期三

東京必吃 - 一蘭拉麵

聽說,銅鑼灣的一蘭拉麵長期大排長龍
我知道在香港很難有時間去排隊,
還有帶住小朋友也不方便
所以一早銷定
去東京要去試一蘭


之前上網睇過website
在池袋Parco 附近有一間
就在The b Hotel 後面
24 hours 營業
我倆今次乘半夜機
(Highly recommend, 可以慳一天時間)
去到酒店大概九點幾
放低行李就出發啦!

去到一蘭不用等位
而且是自己買飛仔的
揀好麵,追加item就可以入座






之後還可以揀湯底,蔥,同埋麵的硬道
我揀了清淡湯底再加特硬的麵
還有秘製的醬料
就是我第一次食到的一蘭



果然名不虛傳
真係好好味

我最愛硬身麵條
平時不是太多麵店會做得好
但這裡真是 oishi!!!

因為我同老公都大愛吃拉麵
結果我倆食足三日做早餐!
爆!



東京太多美食
每一餐的quota 都好珍貴
所以要吃到三餐
一定係好好食先會去!

其實到現在我還諗諗不忘!
有機會自己要去香港的一蘭,
試下是否跟日本一樣好味!



*****

各位 Blogger 我新 Blog 係
http://littlejessiefamily.blogspot.hk
大家記住呀!!


開了 Facebook page
    大家like 咗未?

https://www.facebook.com/littlejessiefamily

清燉牛坑腩

上星期和朋友到南小館
試過那裡的 <清燉牛展>
一試難忘!
回家後決定要自己試做
那 C Papa 又可以試試!!

今次用的是 C Papa's favourite 牛坑腩
而且用蒸爐代替明火燉
見網上的JM 用 Steamer 用得出身入化
真係值得我去學習!!

用 steamer 燉不用睇火
極方便呢!
而且秋天冬天快到
可以再 prepare 更多的燉湯!

今次材料只有牛坑腩, 薑, 蔥
牛坑腩切大件後先出水 (記得加薑在水中)
然後放入鍋中再放入鍋中
(今次我用 Le Creuset)
加水至 cover 牛坑腩
加薑, 蔥適量
再用 100c steam 2 hours!!!
之後再加 salt and pepper 調味!


可以放靚靚在細碗中


老公大讚牛坑腩超淋
牛肉清湯又好味!
今次份量不夠
下次要 double 份量先得啦!
Yummy Yummy!!!

2013年9月3日 星期二

十五個月

轉眼Mui Mui 已經十五個月啦!
近來J Mama 好忙
在日本回來後還未update 好日本之旅
然後 Yahoo!blog 摺埋又試下螞蟻搬家
我覺得唔太work
因為copy and paste 之餘仲要逐張相upload
我有話多唔多話少唔少九百多篇Blog
點算呀!

不過暫時決定會用blogspot
大家記住下面新blog 地址
Http://littlejessiefamily.blogspot.com

我會兩邊blog update 一陣先再算!

Oh!!!!又寫到離了題
今次是寫Muimui 成長日誌

今個月開始返一星期兩日plagroup
不過撞正她的morning nap time
每次她都'中'眼瞓
十足十一個懶瞓Mui!
不過根據工人姐姐講
她好喜歡上學又會參與
好乖呀!





另外家姐放暑假
她成日有得家姐一齊去玩!
好喜歡踏單車!




媽媽去了日本旅行的日子
跟著婆婆去麥記食薯條!



Muimui 的性格同Cheryl好唔同
她是個好搞笑一就一,二就二的小朋友
好直接好簡單
鐘意就鐘意唔鐘意就唔鐘意

講嘢方面
只識講爸爸, 媽媽, 家姐, 姐姐, Ball Ball
講得不多要努力呀!

還有開始可以自己上主日學
不用媽媽陪, 叻女呀!!


近來覺得自己好少時間陪阿囡
真係想陪住佢哋多D呀!
希望我的夢想好快實現!!

******
各位 Blogger 我新 Blog 係
http://littlejessiefamily.blogspot.com
大家記住呀!!


開了 Facebook page
    大家like 咗未?

https://www.facebook.com/littlejessiefamily

東京美食分享























上一次去東京已經是三年多前的事 
上次是Honeymoon 
回港後有了Cheryl 懷孕初期每天都累透 
印象中沒有寫低遊記 
今次可以再同大家分享! 

去東京一定要去寫Sushi 
 今次我們再去了榮壽司 
其實每次來日本也去這裡 
感覺就像 
探探老朋友探探壽司師博 

  

今次我倆一落機放低行李就出發 
第一站是新宿的榮壽司 
它的位置是Isetan 本館對面的小路 
在前往0101 Men 那邊馬路向0101 men 方向的右手邊就是了! 
  
好喜歡榮 
因為鋪子不大 
但魚生是築地直送好新鮮的 

首先來個assorted sashimi Yummy!!! 




  

之後來了壽司 

因為太肚餓忘記了影相啦! 
總之就係好好味!! 





榮晚上都幾Full 
 通常我喜歡下午來不用等位 
可以輕輕鬆鬆吃! 

開了 Facebook page大家like 咗未?
https://www.facebook.com/littlejessiefamily